ايه رأيك في نفسك

كل واحد عارف نفسه كويس وعارف مميزاته وعيوبه يا ريت كل واحد يدخل يتكلم عن نفسه بصراحه سلبيا وايجابيا

جميل الموضوع يا اسلام بس الاستفتاء ده هيعبرعن الكل مش واحد محدد وهتكون احصائيه للناس اللى هتشارك فى التصويت

على العموم انا عملت التصويت ( الى حد ما )

وهبقى اشرح ليه مستنى مشاركتك تكلمنا عنك الاول

منا عارف يا وائل ان التصويت ده هيكون للكل مش هيقيس شخص معين هو ده اللي انا عايز اعرفه كام واحد راض عن نفسه وكام واحد لا وايه المشكله في شخصية كل واحد عشان نحاول نحلها معاه يا ريت تبدأ انت بالكلام عن نفسك

انا مكنتش حابب ان ابدا بالكلام عن نفسي بس وائل اللي طلب مني كده انا شايف نفسي
1- ذكي جدا واصحابي بيسموني ملك التخمينات لاني الحمد لله معظم تخميناتي صائبة .
2-وطيب جدا بس مع اللي يستاهل بس و بسامح احيانا وزعلي وحش .
3-بتأثر بأي كلمة وحشه ممكن مبينش بس ببقى متأثر بيها لاني حساس جدا جدا جدا لفوق متتصور بس بقبل النصيحه لو جتلي بشكل محترم بس.
3-واثق من نفسي وامكانياتي لحد كبير .
4-جريء بعمل اللي عايز اعمله في اي وقت .
5-بحب الضحك كتير ومع ذلك في وقت الجد ببقى جد بس احيانا بهزر وقت الجد لما الاقي اللي قاعدين متضايقين.
6 مبحبش اشوف حد زعلان ولو يهمني ببقي متتطفل لحد معرف ايه اللي مضايقه لو ميهمنيش بببقي زعلان عليه بس محاولش اعرف.
7-واكتر شيء بيضايقني لما ابقى مظلوم مبحبش الظلم وده اكتر شيء بكرهه .
8-اكتر شيء بحبه لما الاقي الناس بيحبوني نفسي احب الناس كلها والناس كلها تحبني وعارف ان ده مستحيل بحاول بقدر الامكان اني مزعلش حد مني .
9- امنيتي في الحياه ان ربنا يرضى عني واكيد دي امنية كل مسلم ومسلمة.

اسلام غزير كتب:

6 مبحبش اشوف حد زعلان ولو يهمني ببقي متتطفل لحد معرف ايه اللي مضايقه لو ميهمنيش بببقي زعلان عليه بس محاولش اعرف.

انا هقول تعليق على النقطه دى ما اعتقدش التتطفل فى الحاجه دى كويسه عشان ممكن يكون الحاجه دى مينفعش انه يقولها ليك لكن لو كان ممكن كان هو من نفسه لو قريب منك هيقولك هو مهموم من ايه

شكرا يا وائل على النصيحه دي ولو عندك اي تعليق تاني يا ريت تقولهالي انا بحب استفاد من اراء الاخرين ولو شايف حاجه من اللي انا كتبتها مشصح او عايز تستفسر عنها يا ريت تكتبلي مستني مشاركتك انت بقى الدور عليك

مشكلتى مش بعرف اتكلم عن نفسى هو انا اجاوب لما حد يسالنى بس هاحول اتكلم عن نفسى هفكر وهبقى اتكلم

يلا خليك جريء وصريح

اناعايزة اللي يعرفوني هما اللي يكتبو ايه هيا مميزاتي وعيوبي

انا نفسي فحاجة واحدة ان كل واحد يتكلم عن نفسه بصراحة من غير ما يحاول يجمل فشخصيتة عشان يقدر يحسن نفسة وانا هتكلم عن نفسى بصراحة ومن غير كدب ولو حد شايف ان انا غير كدة يقولي وكمان لو حد شايف ان فيا حاجة وحشة قولولي بجد والله مش هزعل من حد خالص لاني بكده هعرف انكوا عايزني ابقي احسن وكمان عايزة اشكر اسلام غزير علي الفكرة الجميلة دي بجد فكرة حلوة اووووووووووووووووووووووووووووي

عايزة وائل يتكلم عن نفسة

انا حاسس ان الاميرة المحظوظة لما قالت (انا نفسي فحاجة واحدة ان كل واحد يتكلم عن نفسه بصراحة من غير ما يحاول يجمل فشخصيتة عشان يقدر يحسن نفسة) انها بتتكلم عني بس ده اللي انا شايفه في نفسي يا ريت انتوا تقولوا ايه اللي انتوا شايفينه والله مش هزعل

لا يا اسلام والله مش قصدي عليك خالص لانك بجد انسان جميل وفيك حاجات اجمل من اللي انت قلتها وانت مش عارف قيمت نفسك لاني حبا جدا شخصيتك وانت عارف انت من الاشخاص اللي انا بعزهم وبقدرهم فمينفعش انت اللي تقول الكلام ده وعلي فكرة انت مكذبتش في حاجة من اللي وصفت فيها نفسك
بس بجد انا زعلانة منك لانك فكرت اني ممكن يبقي قصدي عليك لاني مش ممكن اعملها مع حد غريب مابالك انت

ياريت انتي بقي يا اسلام اللي تتكلم عني وبكل صراحة مش هزعل واوصف الشخصية اللي انتي شايفها وبدون مجاملة عشان انت اخر واحد ممكن يزعل حد منه

متزعليش مني لاني والله مقدر على زعلك وفهمت انتي قاصدك ايه بس معلش انا فهمتها كده وبالنسبه انك عايزاني اتكلم عنك لازم بعد منتي اللي تتكلمي الاول عن نفسك . مستني مشاركتك

انا بقي شخصية غريبة متهيالي محدش فاهمها لاني بجد ببقي احيانا مش فاهمة نفسي بس المهم هقول حاجات عن شخصيتي بس يلريت الناس اللي يعرفوني يقول ايه رايهم فكلامي
1_عصبية جدا جدا جدا وعلي الرغم من كده في ناس بتقول اني بارده جدا وكمان هاديه مع اني مش كده بس دا علشان انا شخصية غامضة

2_بحس احياتا اني مش طيبة مع اني والله بتمني الخير للناس قبل ما اتمناه ليا وعمري ما اذيت حد

3_عندي قدرة غريبة علي مسامحة اي حد عمل فيا حاجة وحشة وفي ناس قلتلي انتي بتتسامحي مع ناس احيانا مينفعش انك تسمحيهم فالحاجة دى بس والله اول ما بيجي الشخص ويقولي انا اسف بنسي اي حاجة عملها فيا

4_اكتر حاجة بتضايقني فحياتي هي الكذب والخيانة

5_ممكن اموت لو حسيت للحظة اني مظلومة

6_عندى ثقة فالنفس غير عادية وعندي قدرة اني اعمل حاجة واخليها ناجة لاني بكره الفشل ومبحبش الاستسلام

7_بحب جدا عيشة الحرية واكره ابقي رئيسة او مرؤسة فنفس الوقت لاني لو مرؤسة محبش حد يقولي اعملي ايه ومتعمليش ايه ولو رئيسة ممكن احس ان في ناس مبتحبنيش وانا مقدرش اكون فمكان غير مرغوب فيا فيه

8_اكبر حلم عندي ان الناس تحب بعض ونعيش من ما يكون في حرب ولا ضمار

9-وكمان رغاية جدا جدا واقدر علي كلام كتير وفاحيانا تانيه في ناس بتفكر اني مبتكلمش من كتر سكوتي وصمتي


كفاية كده دلوقتي عشان هروح الجامعة عندي محاضرة وكمان دوشتكو ياريت تقولولي بقي رائيكم فيا وبصراحة وبجد مش هزعل

انا رأيي فيكي بصراحه انك طيبه جدا جدا ودمك خفيف وابتسامتك حلوة يا رب متحرمينا منها وفيكي حاجات كتير زيي وده شرف ليا وبالنسبه للغموض مش عارف مش شايفه يعني يا ريت تفهميني وبالنسبه انك بتسامحي اي حد ده شيء جميل وعلى فكره مهما حاولتي انك تشيلي مش هتعرفي لأنك طيبة والقلب الطيب مبيعرفش يشيل بس يا ريت ميبقاش مع اي حد مع الناس اللي بيحبوك بس . وخدي موقف مع الناس التانيه . وعلى فكرة التناقض اللي انتي شايفاه في نفسك ده عشان الانسان بيبقي علي حسب الناس اللي بيتكلم معاهم يعني فيه ناس ميتزهقش من القعده معاهم هما دول اللي انتي بترغي معاهم اما حالة السكوت ده يا اما فيكي حاجه مضايقاك او مش طايقه الشخص اللي قدامك . ويا ريت تكملي كلام عن نفسك في نقطة الغموض وقوليلي ايه سببه . ممكن يكون عدم ثقه في اللي قدامك .

شكرا يا اسلام علي الكلام الجميل اوي ده بس انا والله مستهلش كل ده وبعدين انا اللي ليا الشرف ان يكون في شبه فالشخصيات

اما بالنسبة لنقطة الغموض دا احساس بيجيني علشان انا شخصية متنقضة فبحس ان في ناس مش فاهمة اللي ببقي عايزة اقولو فبيعتبروني غامضة علشان مبيقدروش يفهموني

انا مش بعرف اتكلم علي نفسي لاني تقريبا مش عارف نفسي ومش فاهم نفسي او مش بحب اتكلم عن نفسي ممكن لو حد سالني اجاوبه


ومحدش هنا يعرفني كفايه علشان يتكلم عني

خلينا انا بره الموضوع ده

فعلا يا اسلام من كلامك انتا حد كويس والصفات اللي كتبتها عن نفسك صفات جميله وانتي كمان الاميره المحظوظه

مفيش اي تعليق علي الصفات

الاميرة المحظوظة كتب:

شكرا يا اسلام علي الكلام الجميل اوي ده بس انا والله مستهلش كل ده وبعدين انا اللي ليا الشرف ان يكون في شبه فالشخصيات

اما بالنسبة لنقطة الغموض دا احساس بيجيني علشان انا شخصية متنقضة فبحس ان في ناس مش فاهمة اللي ببقي عايزة اقولو فبيعتبروني غامضة علشان مبيقدروش يفهموني

انتي مش متناقضه ولا حاجه هي زي منا قولت في الاول الواجد على حسب اللي ثدامه انا عن نفسي ساعات كتير ببقى ساكت وساعات كتير بتكلم ده مش تناقض الناس اللي قدامك هي اللي بتفلاض عليكي كده . انتي ماجاوبتنيش على نقطة الثقة انتي بتثقي في اصحابك ولا لأ ؟

elgendy كتب:

انا مش بعرف اتكلم علي نفسي لاني تقريبا مش عارف نفسي ومش فاهم نفسي او مش بحب اتكلم عن نفسي ممكن لو حد سالني اجاوبه


ومحدش هنا يعرفني كفايه علشان يتكلم عني

خلينا انا بره الموضوع ده

فعلا يا اسلام من كلامك انتا حد كويس والصفات اللي كتبتها عن نفسك صفات جميله وانتي كمان الاميره المحظوظه

مفيش اي تعليق علي الصفات

ليه يا جندي مش بتعرف تتكلم عن نفسك اي واحد عارف نفسه كويس ، جرب واكتب اتعود متقولش كلمة مبعرفش مستني مشاركتك وشكرا اوي على كلامك عني يا رب اكون زي منتوا بتقولوا

بص يا اسلام انت اكتر واحد عارف ان ثقتي فالناس محدودة جدا ودا طبعا علشان مواقف معينة حصلتلي من ناس كانو اكتر ناس حبتهم واخلصتلهم فحياتي والناس دول كانو اصحابي وعمري مخنتهم ولا جرحتهم بس للاسف هما باعوني ومع ذلك سامحتهم

بس دا ميمنعش ان ليا اصحاب بثق فيهم بس بصراحة قليلين وبحاول احط قدامي انهم ممكن يجرحوني ودا علشان متجرحش منهم ومزعلش منهم بس بصراحة اصحابي طيبين اوي وعلي فكرة انت من الناس اللي انا بثق فيهم

فكرة حلوة جدا يا اسلام والمنتدى نور بيك


انا هتكلم عن نفسى بكل صراحة

انا ذكي جدا وبحب اصحابي جدا وتفكيري عالي اوي ودايما اصحابي بياخدوا رايي في كل حاجة علشان انا وجهة نظري دايما صح كمان انا شخصية حساسة جدا بس مش بحب اشيل من حد بس لو شلت من حد مش برجع معاه زي الاول وانا شخصية عنيدة جدا جدا

شكرا ليك يا totti على المشاركه
بحب اقولك وارجو انك تتقبل مني النصيحه دي" بطل عند العند بيخلي الواحد يبقى على غلط وميرضاش يعترف بغلطه وده اكبر غلط بجد صفاتك حلوة كتير بس بطل عند ومتشلش من حد التسامح احلى حاجه في الدنيا واسف على اني علقت على كلامك بس انا عامل اللعبه دي عشان نحسن من نفسنا يا رب تكون فهمت كلامي

شكرا يا اسلام



والله نفسي اتكلم معاك من زمان

انا موجود على كرسي الاعتراف الاسبوع ده كله