ابتسامتك بالدنيا

إتنين أغبية إشتروا حصانين وعاوزين يفرقوهم عن بعض راح الأولاني قطع ديل
حصانه وقال لزميله أنت حصانك ديله مش مقطوع قاله لا مش باينه، راح شوية
ورجع راح قاطع رجل حصان زميله وقال له حصانك رجله مقطوعة قال له لا مش
باينه، راح قاطع راس حصانه ورجع قاله حصانك راسه مش مقطوعة قاله بيتهيألي
أوضح حاجه إن حصانك بني وحصاني أبيض

مره خمس صعايده داخلين امتحان فجالهم سوال ما هي عدد ارجل المعزه؟ كلهم قعد بقي
يسالوا الدحيح بتاعهم مكنش بيرد عليهم
بعد الامتحان بيسالوا انت مكنتش بترد ليه قالهم اصل المراقب كان جنبي معرفتش
اطلع المعزه

مرة واحد غبى جاله عقد عمل فى الكويت يوم السفر قاعد فى المطار فالمذيع
الداخلى بيقول
على ركاب الرحلة رقم 550 المتوجهة الى الكويت التواجد بصالة الدخول واعاد
ذلك مرة ثانية فموظف المطار بيقوله يا استاذ رحلة الكويت هتطلع, فرد علية
وقاله ياعم دول طالعين رحلة انا طالع شغل

مرة واحد محشش لقي كنز قال: كويس فاضل الخريطة!!

واحد بيسأل صاحبه هو ايه الفرق بين تجارة الحشيش وتجارة عين شمس ؟ قام
صاحبه قاله تجارة عين شمس 4 سنين انما تجارة الحشيش أقلها 25 سنة

مره اتنين قاعدين بيحششو فواحد منهم ماسك مرايه بيبص فيها وبيقول للمسطول
التانى الشكل ده مش غريب عليه قالو ورينى
كده .. يا عم ده انا ..انتا
انسطلت والا ايه

مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي
حنقوله، و لما عدى واحد، واحدة منهم قالتله: تتجوزني يا امور؟ قالها: ده
انا اتجوز كلبة ومتجوزكيش! التانية راحت قايلة: هوهو

واحد غبى معاه 150 جنيه .. قعد يقسمهم .. 50 جنيه للسكن .. و 50 جنيه
للاكل ... و 50 جنيه للبانجو .. الباب خبط .. مين .. افتح الباب بوليس ..
راح مقطع ال 50 جنيه بتاعت البانجو

مرة واحد غبي حب يطور الطيارة الهليكوبتر فك المروحة وركب بدالها تكييف