نكتة لكل يوم

مرة إتنين حرامية راحو يسرقوا فيلا
فنط الأول من على السور وعمل كركبة
فطلع صاحب البيت وقال مين هناك
راح الحرامى قايل ليه ناو ناو ناو
فنط الحرامى الثانى وعمل كركبة بردو
وخرج بردو صاحب البيت و قال مين هناك
راح الحرامى قايل ليه القطة التانية

عجوزة نزلت حمام السباحة البرق اشتغل قالت يووووه الشباب بدأ يصور

· زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله

محشش بيقول لصاحبه ابوك من يوم ما مات محدش شايفه هو عيان و لا ايه

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش?قال له:لا طبعا . ففرح التلميذ اوى و قاله خلاص انا معملتش الواجب

مرة واحد بيعدي الشارع مع صحابه خبطته عربية مات. نقوا واحد منهم عشان يقول لمراته فرحلها فتحت له الباب قال له: "جوزك ضيع كل فلوسه ع القمار" قالت له: إلهي ينشل البعيد.. قاللها: و باع البيت.. قالت له: "إلهي يبيعوا عنيه" قال لها: "و اتجوز عليكي على فكرة" قالت له: "ربنا يخده و يخلصنى منه" فقال لاصحابه: بس..خشوا يا شباب

اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير هناك دخلو قعدو جمب واحد فى الصوان بيدخن قال الاول : هيييييه انفاس معدودة ... وقال التانى :هييييه كلنا لها... رد الراجل :هيييييه محدش واخد منها حاجة

صعيدى راح لظابط بوزارة الداخلية قاله عايز اترشح لرئاسة الجمهورية , قله الضابط إنت مجنون ؟ الصعيدى قاله : هو شرط يعني

مرة واحد بلدياتنا دخل مطعم بيتزا الرجل جابلة البيتزا قاله تحب نقطعها علي 8 قطع ولا 16 قطعة.. قاله لا 8 قطع علشان ما اقدرش اكل ال 16 كلهم

مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة) زوجتى التالته من على اليمين

اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قال اشوف نجوم كثيرة.... قال وده يدل على ايه ة ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق ياغبي

اتنين حراميه دخلوا بيت واحد منهم دخل البلكونه ، شوية وصاحب البيت دخل عليه فقالوه انت بتعمل ايه هنا؟ قالوه انا كنت بحارب اليهود بالطياره و بدمر فيهم ، لحد لما طيارتي عطلت و انا نطيت بالبراشوت و نزلت في بلكونتك ..... قالوه ايوه كده تعجبنى ، مش التاني اللي قاعدلي في البانيو و بيقول علي نفسه من الضفاضع البشريه!

كلب بيجرى ورا مسطول .. بيجري من شارع لشارع .. وصل لدوار كبير بيلف والكلب وراه
شافوا واحد .. قال له : اجري الكلب قرب منك
قال له : ماتخفش .. سابقه بلفتين

واحد راح يحج واقف قدام الكعبة وبيقول يا رب سامحني مش هتريق على الصعايدة تاني


وهو بيدعي لقي واحد صعيدي بيسأله هي القبلة فين ؟


قال شايف يا رب هما اللي بيستفزوني

جندي عربي عاد من جبهة القتال وهو يرفع اصبعين عاليا /علامة النصر / فسـألوه: انتصرنا؟
فقال: لا بقينا أثنين